Թափուր աշխատատեղեր
Իրավական ապահովման ծառայության առաջատար մասնագետ
Աշխատանքային պարտականություններ
- Բանկի բնականոն գործունեության ապահովման համար անհրաժեշտ քաղաքացիաիրավական պայմանագրերի (աշխատանքային, առուվաճառքի, վարձակալության, ծառայությունների մատուցման, աշխատանքների կատարման և այլն), համաձայնագրերի և այլ փաստաթղթերի պատրաստում, փոփոխում, դիտարկում, լրամշակում և նշագրում:
- Բանկային գործառնությունների հետ կապված պայմանագրերի (վարկային, գրավի, երաշխավորության, երաշխիքի, ավանդային, քարտային, բանկային հաշվի և այլն) փոփոխում, դիտարկում, լրամշակում և նշագրում:
- Հաճախորդների սպասարկման ընթացքում առաջացող իրավական հարցերի պարզաբանում, այդ թվում` փաստաթղթերի փաթեթի ուսումնասիրություն, իրավական եզրակացությունների տրամադրում:
- Բանկի ներքին իրավական ակտերի (կարգեր, ընթացակարգեր, կառավարչական ակտեր, ուղեցույցներ, հրամաններ, որոշումներ, հանձնարարականներ, հրահանգներ, լիազորագրեր և այլ կազմակերպչական փաստաթղթեր) նախագծերի նախապատրաստում՝ ինքնուրույն կամ մշակման աշխատանքներում մասնակցություն, ներքին իրավական ակտերի և ներկայացված այլ փաստաթղթերի, դրանցում փոփոխությունների կատարման կամ ակտերն ուժը կորցրած ճանաչելու վերաբերյալ եզրակացությունների տրամադրում, օրենսդրական փոփոխություններով պայմանավորված՝ ներքին իրավական ակտերում և այլ փաստաթղթերում փոփոխությունների նախաձեռնում և/կամ կատարում:
- ՀՀ կենտրոնական բանկից, Բանկերի միությունից, փաստաբաններից, նոտարներից և այլ պետական մարմիններից, կազմակերպություններից, ֆիզիկական անձանցից ստացված գրությունների դիտարկում, ըստ անհրաժեշտության պատասխանների նախագծերի նախապատրաստում՝ ինքնուրույն կամ մշակման աշխատանքներում մասնակցություն:
- Ֆինանսական համակարգի հաշտարարի գրասենյակից ստացված պահանջների քննություն, պատասխանների նախապատրաստում, բանակցությունների վարում:
- Բանկի մասնաճյուղերին և կառուցվածքային ստորաբաժանումներին իրավական խորհրդատվության տրամադրում
Անհրաժեշտ պահանջներ
- Բարձրագույն իրավաբանական կրթություն (դիպլոմավորված իրավաբան)
- Քաղաքացիական, բանկային, աշխատանքային օրենսդրությունների և այլ հարակից իրավական ակտերի իմացություն
- 2-5 տարվա սշխատանքային փորձ իրավախորհրդատուի պաշտոնում, որից առնվազն 1-3 տարին բանկերում կամ վարկային կազմակերպություններում
- Հայերեն բանավոր և գրավոր խոսքի գերազանց տիրապետում, ռուսերեն և/կամ անգլերեն լեզուների իմացություն
- Microsoft Office, Outlook ծրագրերի տիրապետում
- Մտքերը ձևակերպելու և շարադրելու գերազանց հմտություններ
- ժամանակի կառավարման հմտություններ
- Արդյունավետ հաղորդակցման հմտություններ
- Կարգապահության և պատասխանտվության բարձր զգացում:
Դիմել թափուր հաստիքի համար
Դիմել