Հաճախորդի իրավունքները
Հարգելի հաճախորդ,
Ցանկացած անձ գրավոր դիմումի առկայության դեպքում իրավունք ունի ստանալ «ԱՄԻՕ ԲԱՆԿ» ՓԲԸ վերաբերյալ «Բանկերի և բանկային գործունեության մասին» Հայաստանի Հանրապետության օրենքի 20-րդ հոդվածի 3-րդ մասով, 43-րդ հոդվածի 2-րդ մասով, ինչպես նաև, «Արժեթղթերի շուկայի մասին» ՀՀ օրենքի 16-րդ, 120-րդ և 126-րդ հոդվածի 1-ին մասով սահմանված տեղեկատվության պատճենները:
Վերոնշյալ տեղեկատվությունը Բանկը տրամադրում է Ձեր կողմից գրավոր դիմում ներկայացնելուց 3 աշխատանքային օրվա ընթացքում` դիմումի մեջ նշված եղանակով, իսկ նշումի բացակայության դեպքում այն եղանակով, որով ստացվել է դիմումը:
Գրավոր դիմումը կարող է ներկայացվել հետևյալ ձևերով.
- Առցանց` ուղարկելով նամակ info@amiobank.am էլեկտրոնային հասցեին
- Առձեռն՝ Բանկի Գլխամասային գրասենյակում կամ Բանկի ցանկացած մասնաճյուղում
- Փոստով՝ ՙԱՄԻՕ ԲԱՆԿ՚ ՓԲԸ, ք. Երևան, 0010, Նալբանդյան 48 հասցեով,
- Հեռախոսազանգի միջոցով՝+374 10 59 20 20
Բողոք-պահանջ ներկայացնելու համար կարող եք օգտվել հետևյալ հղումներից
Բողոքները կարող են ներկայացվել հետևյալ ձևերով.
Առցանց`
ուղարկելով նամակ info@amiobank.am և compliant@amiobank.am էլեկտրոնային հասցեներին
Առձեռն՝
Բանկի Գլխամասային գրասենյակում կամ Բանկի ցանկացած մասնաճյուղում: Մեր մասնաճյուղերը
Փոստով՝
ՙԱՄԻՕ ԲԱՆԿ՚ ՓԲԸ, ք. Երևան, 0010, Նալբանդյան 48 հասցեով,
Հեռախոսազանգի միջոցով՝
+374 10 59 20 20
Ֆինանսական hամակարգի հաշտարար
Հարգելի հաճախորդ, ՙԱՄԻՕ ԲԱՆԿ՚ ՓԲԸ-ն կնքել է Համաձայնագիր ֆինանսական համակարգի հաշտարարի որոշումները վիճարկելու իրավունքից հրաժարվելու վերաբերյալ, որը տարածվում է միայն այն բողոք-պահանջների վրա, որոնց գույքային պահանջի չափը չի գերազանցում 250 000 ՀՀ դրամը, կամ դրան համարժեք արտարժույթը, և գործարքի գումարի չափը չի գերազանցում 500 000 ՀՀ դրամը կամ համարժեք արտարժույթը:
Ֆինանսական համակարգի հաշտարարի գրասենյակը կոչված է լուծելու ֆիզիկական անձ, այդ թվում՝ երաշխավոր կամ գրավատու, միկրոձեռնարկատիրության սուբյեկտ համարվող իրավաբանական անձ կամ անհատ ձեռնարկատեր հանդիսացող սպառողների և ֆինանսական կազմակերպությունների միջև այն պահանջները, որոնք ներկայացվում են սպառողի կողմից ֆինանսական կազմակերպության դեմ, կապված են ֆինանսական կազմակերպության կողմից մատուցվող ծառայությունների հետ և պարունակում են տասը միլիոն Հայաստանի Հանրապետության դրամը կամ դրան համարժեք արտարժույթով գումարը չգերազանցող գույքային պահանջ, ինչպես նաև «Վարկային տեղեկատվության շրջանառության և վարկային բյուրոների գործունեության մասին» Հայաստանի Հանրապետության օրենքով սահմանված վարկային տեղեկատվության վերաբերյալ կամ դրա հետ կապված պահանջների դեպքում՝ նաև ոչ գույքային բնույթի պահանջ:
Թարմացված է` 10.09.2024 11:45