Միասնական հաշվետվողական ստանդարտը (CRS) (այսուհետ՝ Ստանդարտ) մշակվել է Տնտեսական համագործակցության և զարգացման կազմակերպության (ՏՀԶԿ) կողմից՝ հարկային թափանցիկությունը խրախուսելու և հարկային պատասխանատվությունից խուսափելու դեմ պայքարելու համար։ Ստանդարտը ներդրած երկրների հարկային մարմինները, փոխադարձության սկզբունքով, տարեկան մեկ անգամ ավտոմատ եղանակով տեղեկատվություն են փոխանակելու ֆինանսական հաստատություններում ոչ ռեզիդենտների ֆինանսական հաշիվների վերաբերյալ։ Այդ նպատակով բանկերը և ֆինանսական հաստատությունները պարտավոր են հավաքագրել և տեղական հարկային մարմիններին փոխանցել հաճախորդների հարկային ռեզիդենտության, հաշիվների մնացորդի վերաբերյալ և Ստանդարտով սահմանված այլ տեղեկատվություն։ Տեղեկացնում ենք, որ Հայաստանի Հանրապետությունը, լինելով ՏՀԶԿ անդամ, միացել է Ստանդարտին։ Ստանդարտի կիրարկման նպատակով համապատասխան փոփոխություններ են կատարվել նաև ՀՀ Հարկային օրենսգրքում։ Հայաստանը միացել է նաև Ստանդարտի իրավական հիմք հանդիսացող միջազգային պայմանագրերին, մասնավորապես՝ «Հարկային հարցերով փոխադարձ վարչական աջակցության մասին» կոնվենցիային, ինչպես նաև «Ֆինանսական հաշիվների վերաբերյալ տեղեկությունների ավտոմատ փոխանակման մասին» իրավասու մարմինների միջև բազմակողմ համաձայնագրին, որով սահմանվում է նաև համաձայնագրին միացած այն երկրների ցանկը, որոնց հետ Հայաստանը պետք է իրականացնի նման փոխանակում։ Միջազգային պայմանագրերը տեղադրված են ՀՀ Պետական եկամուտների կոմիտեի (այսուհետ՝ ՊԵԿ) պաշտոնական կայքում:

Հարկային օրենսգրքում տեղի ունեցած փոփոխությունների համաձայն` ՀՀ-ում գործող ֆինանսական հաստատությունները, այդ թվում՝ «ԱՄԻՕ Բանկ» ՓԲԸ-ն (այսուհետ՝ Բանկ), կրում են Ստանդարտով սահմանված տեղեկատվությունը հավաքագրելու և ՊԵԿ-ին փոխանցելու պարտավորություն։

Եթե Բանկում գործող հաշիվն ուղղակիորեն կամ անուղղակիորեն վարվում է ՀՀ հարկային ռեզիդենտ համարվող անձի կողմից (պասիվ, ոչ ֆինանսական հաստատություն համարվող իրավաբանական անձի դեպքում՝ եթե առկա չէ ոչ ռեզիդենտ ֆիզիկական անձ, որը տիրապետում է 20% և ավելի բաժնեմասի (փայի, բաժնետոմսի) կամ հանդիսանում է պասիվ, ոչ ֆինանսական հաստատություն համարվող իրավաբանական անձի իրական շահառու (այսուհետ՝ Վերահսկող անձ)), ապա Ստանդարտի պահաջները վերջինիս վրա չեն տարածվում: Սակայն եթե հաշիվները ուղղակիորեն կամ անուղղակիորեն վարվում են Ստանդարտին մասնակից երկներում հարկային պարտավորություններ ունեցող անձի կողմից, իսկ պասիվ, ոչ ֆինանսական հաստատություն համարվող իրավաբանական անձանց դեպքում առկա է ոչ ռեզիդենտ Վերահսկող անձ, ապա Բանկը պարտավոր է Ստանդարտով սահմանված տեղեկությունները փոխանցել ՊԵԿ-ին։

Ստանդարտի պահանջներին համապատասխան՝ Բանկը պարտավոր է հավաքագրել և փոխանցել հետևյալ տվյալները.