Թափուր աշխատատեղեր
Հաճախորդների աջակցման կենտրոնի ղեկավար
Աշխատանքի նկարագրություն
Մենք փնտրում ենք փորձառու և նպատակասլաց թիմի ղեկավարի, ով կհամակարգի հեռավար սպասարկման թիմի աշխատանքը և կապահովի հաճախորդների բարձրակարգ սպասարկում բոլոր հիմնական հարթակներով.
- հեռախոսային սպասարկում
- գրավոր հաղորդակցություն (բանկի մոբայլ հավելված, առցանց կապ, նամակագրություն)
- սոցիալական հարթակներ և այլ թվային լուծումներ։ Թիմի ղեկավարը պատասխանատու կլինի արդյունավետ գործընթացների կազմակերպման, ծառայության որակի մշտադիտարկման և շարունակական զարգացման համար։
Աշխատանքային պարտականություններ
- Ղեկավարել հեռավար և բազմահարթակ սպասարկման թիմի աշխատանքը՝ արդյունավետ կազմակերպելով և օպտիմալացնելով աշխատանքային գործընթացները
- Կազմակերպել և տրամադրել թիմի անդամների համար առօրյա ուղորդում, շարունակական քոուչինգ, մենթորինգ և թրեյնինգներ՝ ապահովելով թիմում հմտությունների մշտական զարգացում և թիմային բարձր արդյունքների ապահովում
- Հետևել և գնահատել KPI-ները՝ ապահովելով թիմի և անհատական նպատակների ժամանակին և արդյունավետ իրագործումը, ինչպես նաև սպասարկման ծառայության որակի պահպանումը
- Բաշխել և հստակեցնել աշխատանքային գործառույթներն ու պատասխանատվությունները՝ հավասարակշռված դարձնելով թիմի ռեսուրսների օգտագործումը և արդյունավետությունը
- Ակտիվորեն բարելավել և ավտոմատացնել սպասարկման գործընթացները՝ կիրառելով նորարար տեխնոլոգիական լուծումներ և փորձառու պրակտիկա՝ հաճախորդների գոհունակության բարձրացման նպատակով
- Համագործակցել ներքին թիմերի (IT, պրոդուկտների, մարքեթինգի, բիզնեսի զարգացման և այլն) և արտաքին մատակարարների հետ՝ սպասարկման հարթակների ֆունկցիոնալ հնարավորությունների ընդլայնման և սպասարկման որակի բարձրացման նպատակով
- Մասնակցել բարդ դեպքերի և էսկալացիաների արդյունավետ և արագ լուծմանը՝ ապահովելով հաճախորդների բարձր մակարդակի գոհունակություն և բանկի բարձր համբավը
- Հստակեցնել և զարգացնել cross-selling ռազմավարությունները և նախագծել դրանք որպես կարևոր գործոն՝ թիմի գործունակության և բիզնեսի աճի համար
- Անընդհատ բարելավել թիմի ներգրավվածությունը, մոտիվացիան և աշխատանքի որակը՝ ստեղծելով բաց և համագործակցային աշխատանքային մթնոլորտ։
Անհրաժեշտ պահանջներ
- Հաճախորդների սպասարկման ոլորտում առնվազն 3 տարվա աշխատանքային փորձ, որոնցից առնվազն 1 տարի թիմի կամ կառուցվածքային բաժնի ղեկավարի պաշտոնում
- Ուժեղ առաջնորդության հմտություններ՝ ներառյալ թիմի զարգացման, խնդիրների լուծման, փոփոխությունների ու կոնֆլիկտների կառավարման հմտություններ
- Տեխնիկական ընդհանուր գրագիտություն, փորձ տեխնիկական թիմերի հետ արդյունավետ համագործակցության ոլորտում
- Բարձր պատասխանատվություն, պրոցեսների վրա կենտրոնացվածություն և հաճախորդամետ մտածողություն
- CRM համակարգերի, չաթբոթերի կամ AI տեխնոլոգիաների կիրառման փորձը կդիտվի որպես հավելյալ առավելություն
- Excel-ի առաջադեմ հմտություններ (տվյալների վերլուծության համար), SQL-ի իմացությունը կդիտարկվի որպես առավելություն
- Հայերեն, ռուսերեն և անգլերեն լեզուների գերազանց իմացություն։
Դիմել թափուր հաստիքի համար
Դիմել