Նորություններ

Ամիօ բանկն ու «Փարվանյան քոնսալթինգը» միավորում են հնարավորությունները՝ նպաստելու միջազգային բրենդների մուտքին Հայաստան
17.11.2026
Ամիօ բանկն ու «Փարվանյան քոնսալթինգ» ընկերությունը ստորագրել են համագործակցության հուշագիր՝ նպատակ ունենալով խթանել միջազգային բրենդների մուտքը հայկական շուկա, ստեղծել գործարար և ներդրումային նոր հնարավորություններ ու նպաստել Հայաստանի գործարար միջավայրի զարգացմանը։
«Մեր առաջին քննարկումներից հասկացանք, որ պետք չէ սահմանափակվել մեկ գործարքով, երբ կարող ենք մեր համագործակցությունը ծառայեցնել ավելի մեծ նպատակի՝ տնտեսության զարգացմանը։ «Փարվանյան քոնսալթինգը» կարող է Հայաստան բերել միջազգային բրենդներ, իսկ մենք՝ որպես բանկ, դիտարկել դրանց ֆինանսավորման հնարավորությունները։ Սա կարևոր է ոչ միայն նոր բիզնեսների ստեղծման, այլև զբոսաշրջության զարգացման և միջազգային գործարար փորձի ու մշակույթի ներմուծման տեսանկյունից։ Մենք արդեն ունենք հաջողված առաջին փորձը և նպատակ ունենք շարունակաբար զարգացնել այս ուղղությունը»,- նշել է Ամիօ բանկի Կորպորատիվ բիզնեսի դեպարտամենտի Կորպորատիվ բիզնեսի տնօրեն Արսեն Մելքոնյանը։
Համագործակցության շրջանակում կողմերը նախատեսում են իրենց հաճախորդներին առաջարկել բիզնեսի կարիքներին համապատասխան բանկային և խորհրդատվական ծառայություններ, ինչպես նաև կազմակերպել մասնագիտական դասընթացներ ու գործարար հանդիպումներ։
«Մենք երկար ժամանակ կարևորել ենք բանկային և խորհրդատվական ոլորտների համագործակցության հնարավորությունները։ Համոզված ենք, որ շուրջ 13 տարվա մեր մասնագիտական փորձը և Ամիօ բանկի ֆինանսական հնարավորությունները կարող են լրացնել միմյանց՝ նպաստելով բիզնեսի զարգացմանը։ Արդեն ունենք առաջին համատեղ նախաձեռնությունը․ առաջիկայում Հայաստանում կբացվի բելգիական Leonidas շոկոլադի առաջին բուտիկը։ Բրենդի մուտքը հայկական շուկա կազմակերպել է «Փարվանյան քոնսալթինգը», իսկ նախագծի ֆինանսավորումն իրականացրել է Ամիօ բանկը։ Վստահ եմ, որ սա մեր բազմաթիվ համատեղ նախագծերի սկիզբն է»,- ընդգծել է «Փարվանյան քոնսալթինգի» հիմնադիր Մհեր Փարվանյանը։
«Կապան» մասնաճյուղը ժամանակավորապես կգործի նոր հասցեում
17.11.2026
Բարեկարգման աշխատանքներով պայմանավորված՝ Ամիօ բանկի «Կապան» մասնաճյուղը 2026 թվականի նոյեմբերի 23-ից ժամանակավորապես կգործի նոր՝ ք. Կապան, Հ. Թումանյան փողոց 3/1, 8 շենք հասցեում։
Մասնաճյուղի տեղափոխման աշխատանքներով պայմանավորված՝ նոյեմբերի 20-ին՝ ժամը 13:00-ից, հաճախորդների սպասարկումը ներկայիս՝ ք. Կապան, Մ. Ստեփանյան փողոց 3/12 հասցեում կդադարեցվի և նոյեմբերի 23-ից կվերսկսվի նոր հասցեում։

Հիփոթեք ՝ 5% կանխավճարով և լրացուցիչ առավելություններով․ Ամիօ բանկը՝ «Տուն էքսպո»-ում
13.11.2026
Նոյեմբերի 13-ից 15-ը Ամիօ բանկը մասնակցում է «Մերիդիան» ցուցահանդեսային կենտրոնում անցկացվող TOON EXPO. INVEST 2026 Vol. 2-ին՝ ներկայացնելով հիփոթեքային ֆինանսավորման հատուկ առաջարկներ։
Ընդամենը 5% կանխավճար՝ առաջնային շուկայում տուն ձեռք բերելու համար։ Ամիօ բանկի այս հատուկ առաջարկը գործում է եկամուտների հիմնավորմամբ՝ առաջին 25 հաստատված հայտերի համար։
Առաջնայի՞ն, թե՞ երկրորդային շուկայում եք բնակարան փնտրում։ Ամիօ բանկն առաջարկում է հիփոթեքային ֆինանսավորում՝ առաջնային շուկայում տարեկան 12.5% անվանական տոկոսադրույքով (փաստացի՝ 13.25-20.47%), իսկ երկրորդայինում՝ 12.9% (փաստացի՝ 13.70-20.95%)։
Առաջնային և երկրորդային շուկաներում առանց եկամուտների հիմնավորման հնարավոր է հիփոթեքային վարկ ստանալ 25% կանխավճարով, իսկ ոչ ռեզիդենտների համար՝ 30%-ով։ Երկու դեպքում էլ ֆինանսավորումը տրամադրվում է բանկի կողմից վարկունակության գնահատման պայմանով։
Մինչև 4 փուլով վարկի տրամադրման հնարավորություն է նախատեսված նաև «ՄԼ Մայնինգ», «ՄԵՏՏԱ ԳՐՈՒՊ», «Կառուցապատող պլյուս», «ՋԻԷՍՓԻ» և «Ջ-ԿԱՊԻՏԱԼ» ՍՊԸ-ների համապատասխան նախագծերի համար՝ կառուցապատողների հետ համաձայնեցված պայմաններով։
Հատուկ առաջարկները չեն սահմանափակվում միայն հիփոթեքային վարկի պայմաններով։ Այլ ֆինանսական կազմակերպություններից համապատասխան անշարժ գույքով ապահովված սպառողական վարկերի վերաֆինանսավորման դեպքում գործում է 2% հետվճար՝ մինչև 500,000 դրամ` ներառյալ հարկերը։ Վարկը 36 ամսվա ընթացքում ամբողջությամբ մարելու դեպքում ստացված հետվճարը ենթակա է ամբողջությամբ վերադարձման։
Ցուցահանդեսի օրերին առաջնային կամ երկրորդային շուկայում անշարժ գույք ձեռք բերելու նպատակով հիփոթեքային վարկ ստացած հաճախորդներին կտրամադրվի նաև EFES Homecare Assistance սերտիֆիկատ։
Առանձին առաջարկ է նախատեսված նաև բանկի հաճախորդ չհանդիսացող անձանց համար․ նոյեմբերի 13–15-ը նրանք կարող են ստանալ Visa Gold կամ Mastercard Gold քարտ՝ 0 դրամ սպասարկման վճարով և 5 տարի գործողության ժամկետով։
Ամիօ բանկի տաղավարում յուրաքանչյուր հաճախորդ կունենա իր անհատական խորհրդատուն, որը կներկայացնի հատուկ առաջարկների պայմանները, կօգնի փաստաթղթային հարցերում և կուղեկցի հիփոթեքի ձևակերպման ողջ ընթացքում՝ մինչև վարկի հաստատման գործընթացի ավարտը։
Այցելուները հնարավորություն կունենան վարկի հաստատում ստանալ հենց տեղում՝ ընդամենը մի քանի րոպեում։
Ցուցահանդեսի ընթացքում խորհրդատվության թերթիկ լրացրած հաճախորդները կարող են վարկային հայտ ներկայացնել նաև այն լրացնելուց հետո մեկ ամսվա ընթացքում։
Նոյեմբերի 13-ից 15-ը այցելե՜ք Ամիօ բանկի տաղավար՝ «Մերիդիան» ցուցահանդեսային կենտրոնում, և բացահայտե՜ք Ձեր ծրագրերին համապատասխան ֆինանսավորման հնարավորությունները։

Գնիր տուն Հայաստանում՝ նույնիսկ եթե ռեզիդենտ չես
12.11.2026
Ապրում ես արտերկրում և ծրագրում ես Հայաստանում տուն ձեռք բերե՞լ։ Ամիօ բանկի հիփոթեքային վարկից կարող են օգտվել նաև ոչ ռեզիդենտ հաճախորդները՝ ստանալով ֆինանսավորում նաև արտարժույթով (ԱՄՆ դոլար, եվրո)՝ շահավետ տոկոսադրույքով։
Առաջարկը հնարավորություն է տալիս Հայաստանում սեփական տուն ունենալու ծրագրերը դարձնել ավելի իրատեսական՝ անկախ նրանից՝ բնակարանը նախատեսում ես ընտանիքիդ համար, հայրենիք այցելելիս այնտեղ մնալու, թե հետագայում տեղափոխվելու նպատակով։
Ամիօ բանկում հիփոթեքից կարող ես օգտվել նաև առանց եկամուտների հիմնավորման՝ 50% կանխավճարի դեպքում։ Այս տարբերակը կարող ես ընտրել, եթե նախատեսում ես գույքի արժեքի կեսը վճարել սեփական միջոցներով, իսկ մնացած մասի համար օգտվել բանկի տրամադրած ֆինանսավորումից։
Անհատական խորհրդատվության համար զանգահարիր +374 77 11 89 05 հեռախոսահամարով կամ ծանոթացիր պայմաններին և թող հայտ։
Թարմացված է՝ 16.11.2026 12:06



