International Finance Awards 2025 մրցանակաբաշխության Banking Awards կատեգորիայում Ամիօ բանկը ճանաչվել է հաղթող երկու անվանակարգերում՝ «Լավագույն կրթական ԿՍՊ նախաձեռնություն» և «Ամենանորարար քարտային առաջարկներ»։

Այս ձեռքբերումները վկայում են Ամիօ բանկի ռազմավարության հաջող իրականացման մասին՝ ստեղծելու այնպիսի լուծումներ, որոնք համադրում են նորարարությունը, անվտանգությունը և հաճախորդների հարմարավետությունը։ Բանկի Վարչության նախագահի առաջին տեղակալ, բիզնեսի զարգացման գլխավոր տնօրեն Լևոն Ռուբինյանի խոսքերով՝ «Այս մրցանակները պատկանում են ոչ միայն բանկին, այլև մեր հաճախորդներին, քանի որ հենց նրանք են ամեն օր ոգեշնչում մեզ դառնալ ավելի լավը»։

Կորպորատիվ սոցիալական պատասխանատվության ոլորտում հաղթանակը բանկին շնորհվել է Amio Era կրթական նախաձեռնության համար, որն ուղղված է կրթության խթանմանը և ապագա սերունդների ձևավորմանը։ Ինչպես նշել է բանկի Մարկետինգի և հաղորդակցությունների բաժնի ղեկավար Լիլիթ Մաթևոսյանը, Amio Era-ն ընդգծում է այն գաղափարը, որ բանկային գործունեությունը միայն ֆինանսների մասին չէ, այլ նաև՝ հասարակության զարգացման և կրթական հնարավորությունների ընդլայնման։

Այս մրցանակները ևս մեկ անգամ հաստատում են Ամիօ բանկի նվիրվածությունը նորարարություններին, հաճախորդների փորձի շարունակական բարելավմանը և սոցիալական պատասխանատվության մշակույթի խորացմանը։