Ամիօ Բանկն ուրախությամբ հայտարարում է Amio Era կրթական բարեգործական ծրագրի երկրորդ շրջափուլի մեկնարկի մասին, որը նախատեսված է բարձր առաջադիմություն ունեցող ուսանողների համար:

2024 թվականին մեկնարկած Ամիօ բանկի առաջին մասշտաբային Կորպորատիվ սոցիալական պատասխանատվության ծրագիրն իրապես արդյունավետ էր և հաջողված. 800 դիմորդ, երեք մրցութային փուլ և 25 հաղթող ուսանող:

Մեծ արձագանք ստացած և սիրված ծրագիրն այս տարի ընդլայնվում է․ արդեն 50 ուսանող հնարավորություն կունենա ստանալու մեկ տարվա կրթավճարի փոխհատուցում Ամիօ բանկի կողմից: Մրցութային կարգով ընտրվելու են սոցիալապես ավելի խոցելի խմբերից բարձր առաջադիմությամբ 1-ից 3-րդ կուրսի ուսանողներ:

Կրթությունը հնարավորություն է, որը փոխում է կյանքը, իսկ Amio Era ծրագրի նպատակը կրթությունն ավելի հասանելի դարձնելն է: Մասնակցության հայտը կարող ես լրացնել այստեղ, իսկ ծրագրի նորություններին առաջինը ծանոթանալու համար միացիր Amio Era-ի ինստագրամյան էջին:

Ամիօ ժամանակաշրջան, կրթությունը հնարավորություն է։